Sjefen på kjøkkenet?

Aller fyrst - takk for besøket til alle som var med på åpent hus i Skogveien 33 på fredag!! Veldig kjekt ;)

Under Trygve sin quiz vart det spørsmål om kven som er sjef på kjøkkenet i heimen her, og under press gjekk tittelen til underteikna. Det er kanskje på sin plass å utdjupa litt. Eg og Ane er i grunn samde om at det er ei ganske god arbeidsdeling, og me har litt ulike måtar å uttrykka våre kulinariske evner på. Me kan setja opp våre spesialitetar skjematisk:

Anders:

• Middagsrettar freestyle - meir eller mindre eksperimentelle...
• Anders og Eivind sin fiskesaus
• Wok - sjølvkomponert, sjølvkutta og sjølvkrydra
• Tilberedning rett på tallerken, med vekt på estetikk og komposisjon
• Ostepai og ostesmørbrød
• Pannekaker - tjukke, gjerne misforma (men flest saltoar!)
• Eplekake, store luftige bollar

Ane:

• Fiskerettar, strengt tilmålt etter oppskrift
• Luksus potetstappe, samt ovnssteikte poteter så ofte som mogeleg!
• Wok - ferdig grønnsaksmiks
• Kjøtkaker med brun saus
• Laurdagsgraut av høgaste kvalitet (nesten monopol på dette området)
• Pannekaker - tynne og delikate
• Brødbaking, muffins, små kompakte bollar

Ein del rettar er ofte fellesprosjekt, slik som taco, pizza (Ane-pizza gjerne med kylling, Anders har spesialisert seg på pepperoni). Me er òg ganske drevne rjomegrautkokarar, og erfarne paibakarar (eple, blåbær, rips, rabarbra). På tur har me også godt samarbeid kring primusen, gjerne hovedrett av Ane, forrett og dessert av Anders - eller omvendt.

Litteratur me brukar:

• Ingrid Espelid Hovig (red.): Den rutete kokeboken
• Cappelens kokebok
• Mat på norsk
• Fjordamat
• Jamie Oliver
• Laila Sægrov: Best of Mamma
• Turmathefte Øytun (http://www.oytun.fhs.no/pdf.php?pdf=turmat)

Over ser ein eit eksempel på Anders-rett: Pestobakt laksefilet med fullkornpasta og grønsaker, servert på tallerken med salat (handplukka på UMB, takk til Kristin!)

Og her eit eksempel på ein av kona sine velskapte brøddeigar!

Eg utfordrar herved meg sjølv og Ane til innsats på kjøkkenet i vekene framover, så kan me koma attende med meir dokumentasjon!

Og du som lesar har ståande invitasjon til å koma til Skogveien 33 og smaka :)